Ministria e Punëve të Brendshme, më në fund e ka dhënë shpjegimin pse ka heshtur deri tani rreth sulmit mbi Kuvendin e Kosovës.
Heshtjen e ka thyer zëvendësministri i Brendshëm, Valdet Hoxha, i cili për Tribuna Channel ka deklaruar se detajet nga sulmi terrorist nuk janë shpalosur vetëm për shkak të natyrës specifike të rastit dhe për shkak të sigurimit të pavarësisë operacionale të policisë.
Hoxha thekson se ky rast është tashmë në kompetencë të prokurorisë speciale për shkak të natyrës së sulmit.
Zëvendësministri Hoxha thotë së të gjitha mekanizmat e sigurisë janë të orientuar në parandalimin e akteve terroriste, por edhe të sulmeve të natyrave tjera.
