Te varri yt
Borë bie shtëllunga shtëllunga e shfaqet zjarr
E kaq e zbraztë bukuria e kjo pamje e ky varr
Ti shfaqesh në gishta në dritë në hije në qiell
E malet i zgjon nga gjumi i lashtë po ai fyell
Ta kthejë mbretëreshën në galerën e vet të fjetur
Në udhëtim nga një liman në tjetrin ndër stuhi
Ja fluturon shqiponjë mbi thepa të bjeshkës
E të njëjtin gur e kapërcen vetmi e breshkës
Vetëm të lëviz kaq vjet të të njëjtës bajgë
E vjen e kthehet udhës kalorësi ndër plagë
E flamuri Kuq e Zi hapet në jug e në veri teutë
Kjo tokë është krijuar me shigjetë e me hutë
Tashmë për ty e shkruaj këtë trilogji e pres
Të mos ikësh nga varri nga e hapin ata në vetmi
Borë bie shtëllunga shtëllunga e shfaqet zjarr
E kaq e zbraztë bukuria e kjo pamje e ky varr