Prokuroria e Strumicës ka kompletuar dosien për procedurë parahetimore për aksidentin me helikopterin, ku humbën jetën katër pilotë të MPB-së.
Tri vite pas aksidentit, siç mëson Makfax, prokuroria kompetente ka hapur hetime për vërtetimin e përgjegjësisë eventuale penale, për rënien e “MI-17” të policisë.
Vendimi do të bëhet publik për opinionin gjatë ditëve në vijim, me rastin e shënimit të trevjetorit të aksidentit në të cilin jetën humbën katër pilotë.
Në qendër të hetimeve është edhe antena e transmetimit të transmetimit publik të Televizionit të Maqedonisë, por gjithashtu do të përfshihet edhe pajisjet për fluturimin e natës.
Në fillim të hetimeve do të kërkohet edhe ekspertizë e huaj për mbetjet e helikopterit. Prokuroria e Strumicës me shkrim do të kërkojë nga Ministria e Drejtësisë që të sigurohet ekspertizë e huaj, me qëllim që të zbardhen të gjitha rrethanat rreth aksidentit.
