Inspektorati Shtetëror i Bujqësisë në periudhën në vijim do të kryejë kontrolle të rregullta të përforcuara te të gjithë blerësit e regjistruar të rrushit, paralajmëroi drejtori i Inspektoratit Cvetan Tripunovski pas bisedave të sotme me blerësit dhe vreshtarët në Negotinë.
Për atë qëllim, ashtu siç kumtojnë nga Inspektorati i Bujqësisë, janë formuar ekipe të veçanta me mbi 30 inspektorë të cilët gjatë tërë kohës e kontrollojnë punën e çdo blerësi të regjistruar.
Inspektorati paralajmëron se bodrumet e verës, përkatësisht blerësit e regjistruar të rushit, gjatë blerjes veçanërisht është e rëndësishme t’i kushtohet vëmendje çmimit të rrushit të shprehur në njësi sheqeri. Që të mund të kontrollohet nëse çmimi është në pajtim me njësitë e sheqerit inspektorati furnizoi edhe matës për kontroll të njësive të sheqerit. Është mbajtur edhe trajnim i shkurtër i inspektorëve për përdorimin e tyre.
Për zhvillim të suksesshëm të blerjes së rrushit, çdo parregullsi mund të paraqitet edhe në linjën e telefonit falas 0800 11 000.
Kontrolle të përforcuara Inspektorati shtetëror për bujqësi paralajmëron edhe gjatë blerjes së produkteve tjera.
