Nga Skenderaj raportohet se protestuesit janë duke u nisur me vetura private, pasi që autobusi i kontraktuar nuk ishte në vendin nga ku ishte planifikuar të bëhej nisa e organizuar.
Nga Mitrovica raportohet se autobusët kanë nisur të mbushen me protestues të cilët pritet të arrijnë në Prishtinë para orës 14 për protestën e thirrur nga Lëvizja Vetëvendosje, kundër ideve të presidentit Hashim Thaçi për korrigjimin e kufijve mes Kosovës dhe Serbisë.
Protestuesit e pare që janë nisur drejt Prishtinës janë ata nga Prizreni, Deçani, Juniku, Peja e Sharri.
Kurse, në orën 12:00, VV ka organizuar transport për protestuesit nga Podujeva, Drenasi, Gjakova, Gjilani, Hani i Elezit, Kaçaniku, Obiliqi, Klina, Mitrovica, Rahoveci, Shtërpca dhe Suhareka.
Protestuesit nga Shtimja, Vushtrria, Fushë Kosova, Ferizaj dhe Malisheva, do të nisen në orën 12:30, për në Prishtinë. Ndërsa, ata nga Artana dhe Lipjani në orën 13:00.
