Pengimi i një procesi zgjedhor potencialisht përbën arsye për moskualifikimin për të hyrë në Shtetet e Bashkuara”, kjo ishte deklarata që Matthew Palmer, i dërgoi opozitës pak orë para protestës të të shtunës, por që PS ia kujton edhe presidentit Ilir Meta, pasi ky i fundit vendosi shtyrjen e zgjedhjeve.
Kreu i grupit parlamentar, Taulant Balla ka reaguar me anë të një postimi në rrjetet sociale një ditë pas deklaratës së Metës për të anuluar zgjedhjet e 30 qershorit.
Duke cituar zyrtarin e DASH, krahas fotos së publikuar në facebook, Balla shkruan: “fiks”.
Vendimi i Metës për të shtyrë zgjedhjet e 30 qershorit, nuk është pritur mirë nga maxhoranca, e cila thekson se data nuk lëviz pavarësisht çdekretimit nga Meta. Kryeministri Edi Rama ka lënë të kuptohet se kreu i shtetit mund të shkarkohet. Këto janë orë vendimtare, ndërsa nesër presidenti ka njoftuar një konferencë të jashtëzakonshme.