Burime të lajmi.net brenda qeverisë kanë bërë të ditur se një gjë e tillë po ndodhë pasi ministri Hamza po pret sqarimin e plotë ligjor në lidhje me këtë vendim.
Ky refuzim vjen një ditë pasi Agjencioni Kundër Korrupsion e cilësoi vendimin e qeverisë si shkelje ligjore.
E këtë vendim të AKK-së, qeveria sot gjatë ditës e cilësoi si të ndikuar.
Vendimi i Hamzës që të refuzojë procedimin e pagave me rritje për anëtarët e qeverisë, duket se i ka zënë në befasi këta të fundit.
Asnjëria nga zëdhënësit e qeverisë, apo këshilltarët e kryeministrit nuk po deklarohen për media.
Lajmi.net ka provuar të kontaktojë me këshilltarin për media të kryeministrit, Halil Matoshi, apo edhe me shefin e kabinetit, Avni Arifi.
Asnjëri nga këta të dy nuk e kanë hapur telefonin.
Redaksia ka tentuar të flas edhe me ministrin, zëvendësministrat apo edhe këshilltarët e Hamzës por që edhe këta të fundit nuk kanë pranuar të flasin.
Duket se ky vendim i Bedri Hamzës i ka zënë në befasi të gjithë.
Ndryshe, vendimi për rritje të pagave ishte marrë ditë më parë nga kryeministri Haradinaj.
Ky i fundit rrogën e tij e rriti në 2 mijë e 950 euro.
