Reshjet e dendura të shiut sonte kanë shkaktuar telashe edhe në kryeqytet, duke vështirësuar qarkullimin në disa rrugë.
Si pasojë e reshjeve të shiut dhe grumbullimit të ujit, sonte pothuajse është bllokuar Rruga “Rexhep Krasniqi” te Hotel Garden në lagjen Emshiri.
Nga pamjet e video-xhirimeve, që i ka dërguar një qytetar në redaksinë e Telegrafit, shihet se në të dy anët e rrugës kanë ngelur të bllokuara disa vetura .
Në atë pjesë të qytetit është ndërprerë edhe ndriçimi publik.
