Kryetari i komunës së Obliqit, Xhafer Gashi, ka thënë se problemi i energjisë elektrike po vazhdon pasi nuk po bëhet shpronësimi në mënyrë të duhur i banorëve të disa shtëpive të kësaj komune.
Në Info Magazine të Klan Kosova, Gashi tha se banorët kanë kërkuar që të bëhet shpronësim i dinjitetshëm e po ashtu të punësohen familjarët e tyre, në mënyrë që të bëhet puna në mënyrë të rregullt për furnizim me energji elektrike.
Sipas tij ndalja në këtë mënyrë e eskavatorëve i shkakton humbje Kosovës me miliona euro, transmeton Klan Kosova.
”Sic e dini ju dhe gjithë qytetarët KEK është një kompani publike që menaxhohet nga Qeveria dhe menaxhmenti i KEK-ut”.
”Kemi kontakte të mjaftueshme me ta dhe vazhdimisht tentojmë të gjejmë një zgjidhje”
”Sipas informative që kemi që vazhdimisht sjellin kërkesa dhe ankesat e tyre vazhdimisht është kërkuar që të punësohen familajrët e tyre dhe janë praktika të arsyeshme”.
”Ka nevojë për fuqi të re punëtore dhe duhet të bëhet një vlerësim I gjithanshëm për atë zonë. Palët duhet të gjejë mesin që kompania që ka bë zgjedhjen për atë zonë duhet të shikojë mundësinë e zgjedhjes së problemeve”.
”’Kërkesat e tyre të realizohen sa i përket çështjes së punësimit. Në mënyrë që kur ndalen eskavatorët ka humbje keku me miliona. Meqë instutucionet funksionojnë shteti duhet ta ketë parasysh këtë cështje duhet të ketë shpronësimi i dinjitetshëm për ata qytetarë, punësimi i tyre”.
”Organet kompetente duhet të trajtojnë këto raste. Nuk mund të them që ka pas keqpërdorime derisa organet kompetente nuk kanë dhënë ndonjë vlerësim konkret”.
