Kryesuesi i Kuvendit të Kosovës, Xhavit Haliti gjatë seancës plenare disa herë me radhë ka kërkuar nga deputetët për qetësi dhe ka ftuar ata që të votojnë pro ose kundër Projektligjit për ndryshimin dhe plotësimin e Ligjit për miniera e minerale.
Haliti disa herë kërkoi nga deputetët që të jenë në krye të detyrës, për çka janë zgjedhur nga qytetarët, e jo gjatë gjithë kohës të bisedojnë ndërmjet vete e të flasin në telefon.
“Me të vërtetë situatë e padenjë për të qenë deputetë”, u shpreh Haliti.
Ndryshe, pas kësaj deklarate deputetët votuan për këtë projektligj.
