Kryetari i LDK-së, Isa Mustafa, nëpërmjet një postimi në facebook, ka sqaruar se si kryetar i LDK-së dhe si shef i opozitës, nuk ka pasur ftesë për të marrë pjesë në ceremoninë zyrtare të shënimit të 20 vjetorit të çlirimit të Kosovës.
Megjithatë, kryetari Mustafa ka kujtuar se manifestimi ishte mbajtur në sheshin e ndërtusr në kohën kur Prishtina qeverisaj nga LDK dhe pranë monumentit të Skënderbeut, i ndërtuar me paratë e mbledhura nga bashkatdhetarët tanë.
Ky postim i kryerarit Mustafa është përgjigje ndaj Prtokollit të shtetit që kishte deklaruar se partitë opozitare ishin ftuar të merrnin pjesë në ceremoninë e shënimit të 20 vjetorit të çlirimit, ku ishin presidenti Klunton, sekretarja e Shtetit, Medlin Olbrajt.
Ky është postimi i plotë i kryetarit Mustafa:
Te nderuar qytetarë
Po shoh se është bërë temë mospjesëmarrja ime në ceremoninë e shënimit të njëzetvjetorit të çlirimit të vendit.
Nuk kam marrë pjesë, sepse nuk më ka ardhur ftesë për këtë ceremoni dhe për asnjë aktivitet tjetër.
Nuk mund ta di se si ka vepruar Protokolli i Shtetit, a më ka pasur në listë apo jo, si kryetar të LDK-së, shef të opozitës, partisë më të madhe opozitare sot dhe partisë shtetëformuese gjatë tridhjetë viteve sa ekziston ajo, apo si Kryeministër i qeverisë së kaluar.
Në Selinë e LDK-së, më kanë informuar se kanë ardhur ftesa për disa familje të dëshmorëve dhe veprimtarëve të LDK-së. Tjetër jo.
Nuk ka datë më të rëndësishme për çdonjërin nga ne se ajo e çlirimit të Kosovës. Prandaj pjesëmarrja ime ose e njërit nga nënkryetarët e LDK-së, për arsye të shkaqeve të mia shëndtësore, do të ishte e padiskutueshme. Çlirimi sikurse edhe pavarësia nuk janë pronë e askujt, janë e arritur, mburrje dhe pasuri e çdonjërit nga ne.
Fundja, edhe pse nuk kisha ftesë të marr pjesë në këtë ceremoni, ndjehem krenar se ajo u mbajtë në Sheshin Skënderbeu të qytetit tim, të cilin aq me përkushtim e ndërtuam sa unë dhe LDK drejtonim Prishtinën, dhe pran monumentit të Skënderbeut që, poashtu, e ngritëm pas çlirimit me para të mbledhura nga bashkatdhetarët tanë, kur ishim si qeveri në egzil e LDK-së. Dhe, se në këtë solemnitet ishin miqtë tanë, heronjë të çlirimit të Kosovës. IM
