Dita e zgjedhjeve në Republikën e Shqipërisë nuk është e rëndësishme vetëm në aspektin institucional – për krijimin e një Parlamenti të ri dhe të institucioneve që burojnë përmes Kushtetutës prej tij, por edhe në aspektin e ndikimit në këto zgjedhje që mund të ushtrojë Rusia me anë të shërbimit sekret rus në Shqipëri.
Dashamir Gjinkalli
Sot në Shqipëri shënohet një ditë të rëndësishme, dita e zgjedhjeve parlamentare.
Kjo ditë nuk është e rëndësishme vetëm në aspektin institucional- për krijimin e një Parlamenti të ri dhe të institucioneve që burojnë prej tij, por edhe në aspektin e ndikimit në këto zgjedhje që mund të ushtrojë Rusia me anë të shërbimit sekret rus në Shqipëri.
E them këtë pasi që edhe në Kosovë zgjedhjet e 11 qershorit 2017 kanë qenë të ndikuara nga Rusia me anë të agjentëve të shërbimit sekret rus, përmes agjentëve të koordinuar prej bazës ‘humanitare’ (lexo: qendër e spiunazhit) nga kufiri me Kosovën.
Rezultatet e zgjedhjeve në Kosovë i konvenojnë Rusise dhe vetëm asaj, për shkak të faktit së pas zgjedhjeve ka gjasa të krijohet një bllokadë institucionale, ku asnjë parti në Kosovë të mos mund të fitojë mundësinë e marrjes së qeverisë.
Kjo mund të krijojë një gjendje kaotike që mund shumë lehtë të kalojë në trazira të dirigjuara nga shërbimet serbo-ruse.