Një i ri shqiptar është aksidentuar në vendin e punës në Latina të Italisë, duke rënë nga një lartësi prej 7 metrash.
Pas aksidentit, ai është transportuar me urgjencë mjekësore në spitalin Santa Maria Goretti.
Siç raportojnë mediat lokale, 23-vjeçari (identiteti i të cilit nuk bëhet i ditur) punëtori i një firme ndërtimi, ishte duke bërë disa inspektime mbi çatinë e një ndërtese të një biznesi pastrimesh.
Por, 23-vjeçari ka rënë nga çatia prej xhami. Raportohet se ai është jashtë rrezikut për jetën, por ka pësuar fraktura në të gjithë trupin.
Ndërkohë, autoritet po hetojnë lidhur me ngjarjen.
