Një banor i lagjes “Bregu i Diellit” është gjobitur nga inspektorët e komunës, për shkak se e ka dëmtuar gjelbërimin.
Inspektorati i Komunës së Prishtinës ka gjobitur një banorë të lagjes Bregu i Diellit, pasi që i njëjti ka dëmtuar një pemë, shkruan lajmi.net.
Ai është fotografuar nga banorët e tjerë të kësaj lagjeje, të cilët më pas e kanë raportuar rastin.
Lajmi është publikuar nga Komuna e Prishtinës në faqen zyrtare në rrjetin social Facebook.
Njoftimi i plotë i Komunës pa ndërhyrje:
Banorët lehtësojnë punën e inspektorëve
Në Bregun e Diellit, banorët e lagjes kanë fotografuar fqiun e tyre duke e dëmtuar gjelbërimin. Kjo ka bërë që inspektorët kujdestarë ta identifikojnë lehtë keqbërësin, dhe ta gjobisin atë për dëmin e shkaktuar.
Qytetaria aktive është presioni i duhur për qeverisje të mirë. Bashkë, do ta ruajmë e zhvillojmë Kryeqytetin!.
