Bashkëshortja e Ambasadorit të Shteteve të Bashkuara të Amerikës Philip Kosnett, Alison Kosnett ka shkelur protokollin diplomatik duke dhënë publikisht opinionin e saj për zhvillimet politike dhe duke mbështetur kryeministrin në dorëheqje Albin Kurtin.
Alison Kosnett në një postim në Facebook ka shkruar se çkapja e shtetit është e mundur, duke sqaruar se po flet në mbështetje të Kurtit.
“Ai ka të drejtë. Çkapja e shtetit është e mundur”, ka shkruar në postimin e saj.
Duke mos respektuar protokollin diplomatik, bashkëshortja e ambasadorit Kosnett ka thënë që këtë ia thotë çdo ditë bashkëshortit të saj, dhe se ka arritur të depërtojë në mendimin e tij dhe ta bindë.
“E kam fjalën për kryeministrin në detyrë”, shkruan ajo në një koment, derisa shpërndan një nga intervistat e Albin Kurtit.
E pyetur nga një komentues se a po ia përcjell këto mesazhe bashkëshortit të saj, Kosnett është përgjigjur se e bën këtë cdo ditë
“Më beso, po depërtoj në bindjen e tij”, ka vazhduar ajo.
