Zgjedhjet e jashtëzakonshme për të parin e Drenasit, kanë nxjerrë në garë profile të ndryshme të kandidatëve të cilët synuan ta marrin timonin e kësaj komune. Por, rezultatet e së dielës treguan që garën për të parin e Drenasit do ta vazhdojnë Ramiz Lladrovci nga Partia Demokratike e Kosovës (PDK) dhe Isa Xhemajlaj nga Nisma për Kosovën.
Por, kush janë dy kandidatët që synojnë ta fitojnë garën për kryetar të Drenasit, dhe cilat janë biografitë e tyre, mund t’i lexoni më poshtë:
Kandidati i PDK-së, Ramiz Lladrovci, ka lindur me 3 Janar të vitit 1966, në fshatin Gllanasellë në Drenas.
Arsimin fillor e ka përfunduar në fshatin Dobroshevë, derisa atë të mesëm e ka vijuar në gjimnazin e Therandës.
Ish-ushtruesi i detyrës së ambasadorit të Kosovës në Tiranë, i ka përfunduar studimet themelore në agroekonomi, në Fakultetin e Bujqësisë, në Universitetin e Prishtinës në vitin 2005. Ndërsa, masterin e shkencave juridike, drejtimi: juridiko-financiare, e ka përfunduar në Universitetin e Prishtinës, në vitin 2008. Lladrovci tash është kandidat për titullin Doktor i Shkencave Juridike (PHD), në Fakultetin Juridik në UP, transmeton Telegrafi.
Aktivitete dhe funksionet, të cilat i ka ushtruar kandidati për kryetar të Drenasit, nga radhët e PDK-së, janë: Ushtrues i detyrës se ambasadorit të Kosovës në Tiranë; drejtor menaxhues, NPN “Er-Com”, Prishtinë (2009); Këshilltar në kompaninë NNSh, “Përparimi”, në Drenas (2008); shef i kabinetit të kryeministrit të Kosovës (2006-2008); anëtar i grupit të ekspertëve për Fushën e Ekonomisë dhe Financave i Ekipit Negociator të Kosovës (2005-2008); këshilltar i lartë i bordit të drejtorëve në kompaninë “Kujtesa”(2003-2006); shef i shërbimeve mbështetëse dhe shef i kabinetit të komandantit të Shtabit të Përgjithshëm të TMK-së (2001-2003); oficer i ndërlidhjes në mes TMK-së dhe Forcave Ushtarake të Republikës së Shqipërisë (1999-2003); zëvendëskomandant i Gardës së Kosovës dhe Grupit për Reagime të Shpejta (GGRSH), (1999-2001); drejtues i Zyrës ndërlidhëse të UÇK-së, në Tiranë (1998-1999); drejtor administrativ i fondit “Vendlindja Thërret” (1998-1999); pjesëtar i UÇK-së (1991-1999); sekretar i Nënkëshillit për Mbrojtjen e të Drejtave dhe Lirive të Njeriut (KMDLNJ), në Drenas (1990-1993)!
