Deputetja e PDK-së, Flora Brovina ka folur para gazetarëve pas intervistimit nga Policia dhe Prokuroria Speciale e Kosovës.
Deputetja e PDK-së, Flora Brovina ka thënë se Kadri Veseli nuk e ka ditur për rastin e publikimit të fotografisë së shumëpërfolur nga ana e saj në Kuvendin e Kosovës.
Ajo ka thënë se ka pasur shumë dokumente që dëshmojnë gjenocidin e kryer nga serbët.
“Nuk kam besu që ky dokument nuk mund të jetë i saktë, saktësinë e tij do ta vërtetojnë organet e shtetit”, tha Brovina.
“Nuk e kam shkel privatësinë e askujt, nuk kam folur me emra të përveçëm për askënd”, tha ajo.
Brovina po ashtu ka theksuar se ka pasur edhe dosjen e atyre që janë dhunuar, mirëpo ska dashur t’i keqpërdor.
Deputetja ka bërë të ditur se në pyetje është marrë në rolin e dëshmitares.