Ministri i Punëve të Jashtme të Shqipërisë, Ditmir Bushati ka uruar homologun e tij nga Kosova, Enver Hoxhajn që siç ka thënë ai ka arritur që të sigurojë njohjen e pavarësisë nga Singapori.
“Urime Enver Hoxhajt që ka arritur ta sigurojë njohjen nga ana e Singaporit”.
“Ky është një kontribut për stabilitetin në rajon”, ka shkruar Bushati në llogarinë e tij në Twitter.
Singapori këtë të enjte ka dërguar letrën e njohjes duke u bërë vendi i 113 që njeh Kosovën si vend të pavarur.
