Duteti i Lidhjes Demokratike të Kosovës, Fatmir Rexhepi para mbledhjes së Grupit parlamentar tha se ai e ka përkrahur bashkëqeverisjen me Lëvizjen Vetëvendosje, por sipas tij, ai është deputet dhe në çdo situatë dhe rrethanë do të përpiqet për krijimin e institucioneve.
Rexhepi tha se megjithatë votën e tij do ta tregojë në ditën kur mbahet seanca.
“Unë Albinin e çmoj si një ndër intelektualët e mirë, politikan i ri, që do të thotë me lëvizjen e vet ka ecë… e dimë cilat janë kontributet, e cilat janë ndonjëherë pasojat që kanë ndodhur por unë mendoj që ajo i mbetet atij. Përndryshe unë kom qenë ithtarë, i përkrahjes, lobimit një kohë për me qenë në bashkëqeverisje me Lëvizjen Vetëvendosje… por qeverisja i takon kryeministrit nuk më takon mu.. unë jam deputet që do të përpiqem në çdo situatë, në çdo rrethanë në krijimin e institucioneve”, Rexhepi.
Lidhur me atë se a do të jetë kryeministër Avdullah Hoti, ai tha se atë e vendos Kuvendi.
“Ata e vendos parlamenti… ne jemi Republikë Parlamentare. Në pajtim me normat kushtetuese, duhet parlamenti me dhënë zgjidhjen më të drejtë”.
Ai më tej tha se duhet të largohet gjuha e urrejtjes në skenën politike në vend.
