Kryeministri Edi Rama ka reaguar në mbrëmje për precedentin Xhafaj, duke shpërndarë në profilin e tij në Facebook videon e Dëshmitarit X të Partisë Demokratike, dhe duke ironizuar ato çka pohon Albert Veliu.
Kryeministri tregon edhe njëherë se nuk i merr seriozisht akuzat e opozitës për ministrin e Brendshëm.
“Nëse ky është flamuri i aksionit opozitar, atëherë bota nuk është e rrumbullakët, trekëndëshi është katror, Shqipëria ndodhet në Polin e Veriut, Bashkimi Europian është treg fshatar tek “Ali Demi” dhe Lulëzimi është lider…”, shkruan Rama në Facebook.
