Një vrasje e dyfishtë ka ndodhur në Prizren gjatë natës së sontme.
Vrasjen e ka konfirmuar edhe zëdhënësi i policisë së Kosovës, Baki Kelani.
Kelani ka sqaruar gjithashtu se vdekja e viktimave është konstatuar në vendin e ngjarjes dhe aty janë të gjitha ekipet kompetente policore.
“Me 15.12.2020, pak pas orës 19:00, Policia ka pranuar një informacion se në rrugën “Durmish Asllani” në Prizren, janë dëgjuar të shtëna nga arma e zjarrit. Njësitet kompetente policore, menjëherë i janë përgjigjur vendit të ngjarjes dhe bazuar në informacionet e para, në një shtëpi banimi janë gjetur dy trupa të pa jetë, një M/Kosovar zyrtar policor dhe një F/Kosovare, vdekjen e të cilëve e kanë konfirmuar mjekët kompetent. Në vendin e ngjarjes janë dalur të gjitha njësitet policore përfshirë forenzikën, ekipet mjekësore dhe prokurorin, të cilët janë duke ekzaminuar vendin e ngjarjes si dhe duke kryer hetime intensive, lidhur me rastin.”, tha Kelani.
Rasti ka ndodhur në lagjen “Durmish Asllani”.
Në anën tjetër, Prokuroria Themelore e Prizrenit ka treguar gjithashtu se viktimat janë babë e bijë dhe se njëri nga viktimat dyshohet të jetë zyrtar policor.
