Partia “E majta” dhe Ministria e Punëve të Brendshme kanë dalur me qëndrime të ndryshme për ngjarjet e një nate më parë ku policia ndaloi anëtarë të kësaj partie për të protestuar kundër dhunës ushtarake në qendër të Shkupit.
Nga Ministria e Punëve të Brendshme thonë se katër persona, të cilët janë aktivistë të kësaj partie nuk janë arrestuar por vetëm kontrolluar.
Lexo po ashtu:
Policia arrestoi anëtarë të partisë “E majta” të cilët protestuan kundër forcave amerikane (Video)
Policia arrestoi anëtarë të partisë “E majta” të cilët protestuan kundër forcave amerikane (Video)
Por anëtarët e partisë “E majta” shprehen kundër MPB-së. Ata thonë se janë arrestuar na policia dhe janë vendosur nën pranga.
“Kur më ra telefoni, nuk më lan të përgjigjem dhe më thanë se jam i privuar nga liria, edhe pse tani thonë se ka qenë vetëm kontroll. 15 minuta na kanë mbajtur nën pranga, pastaj na lëshuan që të mund t’i nxjerrim letënjoftimet dhe pastaj nga kontrolluan”, tha njëri nga anëtarët e partisë.
Gjatë ditës së djeshme kur ARM dhe forcat amerikane po prezantonin pajisjet ushtarake, disa anëtarë të partisë “E majta” ngritën një transparent, ndërsa në disa video inçizime shihet se ata janë penguar nga policia.
