Emilia George ka punuar si stjuardesë gjatë shumë fluturimeve private, kurse gjatë një interviste dhënë të përditshmen britanike Telegraph, ka vendosur të zbulojë se çfarë ndodh në aeroplanët privatë të të pasurve që fluturojnë lart mbi tokë.
“Kur realizoni një udhëtim ‘fluturim’ privat, atëherë paraja nuk është ndonjë problem për ju. Ka pasur raste kur është shtruar darka në vlerë prej një milion funte, sallatë prej 700 dollarë, por aty nuk kanë munguar as palestra me pajisje sportive, diskoteka dhe shkopinjtë në të cilët femrat mund të vallëzonin. Madje kam pasur rastin të shohë edhe karrige prej arit”, ka deklaruar Emilia.
George ka pranuar se shpesh është përballur me kërkesa të pamundura të cilat është detyruar t’ua realizojë klientëve të pasur. Asaj madje i kanë paguar taksinë deri në 500 funte, vetëm dhe vetëm që t’ua blejë një kavanoz me havjar, dhe shpesh piloti me stjuardesat janë detyruar të bëjnë ulje të papritur që të hanë ndonjë hamburger në McDonalds.
Kërkesat e pakuptimta shpesh herë janë pjesë e punës së saj. Njëra prej më të tmerrshmeve, ka qenë takimi me disa biznesmenë të cilët e kanë prekur në pjesë intime të trupit, të cilët gjithashtu nuk kanë hezituar t’i ofrojnë para për shërbime seksuale.
Por sipas saj, puna e stjuardesës në udhëtime private ka edhe anët pozitive. Ajo ka fituar dhurata të majme në vlerë deri mijëra dollarë, rroba dhe bileta VIP për koncerte.
Emilia ka pasur fatin të qëndrojë në hotelet më të shtrenjta dhe ka ngrënë në restorantet më të mira, ku shpesh ka pasur në dispozicion shoferin privat deri në udhëtimin e ardhshëm. Uniformën e ka pasur të krijuar nga disenjatorët e famshëm, ndërsa ka mundur të hajë ushqimin e njëjtë që e kanë shijuar klientët në aeroplan.
