Përderisa në Kuvendin e Kosovës po vazhdon seanca e jashtëzakonshme për Ligjin për Ndryshimin dhe Plotësimin e Ligjit ekzistues për Veteranët e Ushtrisë Çlirimtare të Kosovës, në hollin e Kuvendit janë parë familjarë të të pagjeturve.
Ata janë mbledhur përballë policisë kështu duke kundërshtuar propozimet që po bëhen në Kuvendin e Kosovës.
Nysrete Kumnova nga shoqata “Thirrjet e Nënave”, ka thënë se askush nuk doli për t’i pritur te Kuvendi, aty ku familjarët kanë bërë homazhe para pllakës përkujtimore, siç bëjnë çdo herë në ditën e fundit të vitit.
Ajo ka thënë se familjarët po ndihen të anashkaluar nga institucionet, por pritet që kryetari Kadri Veseli të zhvillojë një takim me përfaqësuesit e familjeve.
Ndërkohë pasi që Kryetari i Kuvendit, Kadri Veseli është njoftuar për këtë protestë ai ka kërkuar nga deputetët të mbajnë një minutë heshtje në shenjë nderimi për të zhdukurit.
