Lekaj lexoi rezolutën e AAK-së për Haradinajn
Seanca plenare e Kuvendit të Kosovës ka filluar me propozimin e shefit të grupit parlamentar të AAK-së, Pal Lekaj, që edhe një herë të hedhet në votim rezoluta e këtij subjekti politik, me të cilën kërkohet lirimi i Ramush Haradinajt dhe pezullimin e dialogut me Serbinë.
Ndër të tjera në këtë rezolutë të lexuar nga Lekaj, thuhet se lirimi i pakusht i Haradinajt të ndodhë sa më shpejt, të pezullohet dialogu me Serbinë deri në lirimin e Haradinajt dhe derisa bashkësia ndërkombëtare te bëjë presion te Serbia për anulimin e të gjitha flet-arresteve.
