Një emigrant shqiptar i cili jeton në Nju Jork, ka bërë një gjest vërtet fisnik dhe për tu vlerësuar.
Fisnik Daci, ishte duke ecur nëpër rrugët e Nju Jorkut, kur ka gjetur në rrugë një portofol me disa karta krediti brenda, një shumë parash, si dhe një blllok me çeqe.
Portofoli i përkiste një gruaje, amerikano afrikane të cilën ai e kishte kontaktuar për ta informuar se i kishte gjetur portofolin.
Në historinë e treguar në një postim të tij në facebook, Fisniku thotë se pasi kishte kontaktuar kishte mësuar se portofoli i përkiste një zyrtareje të lartë në zyrat e Emigracionit në New York.
“Pasi më pa më përqafoi me lot në sy, dhe me tha se aty në atë portofol, është e gjithë jeta ime, janë të gjitha kartat e bankës, çeqet, dhe një shumë të hollash , të kursyera për t’i dërguar tek njërëzit e mi në Afrikë”
Më dha 100 dollarë, por unë i refuzova, Në fund më dha një edhe një Business Cards, dhe më tha se ishte Memaxherja kryesore e Zyrës së Emigracionit dhe e Sistemit shëndetësor dhe nëse do më duhej ndihma e saj vetëm ta lajmërova.
U mendova dhe i thashë. Faleminderit! Unë i kam të gjitha. “Unë quhem Nick – Fisnik Daci, jam Albanian – (Shqiptar). Në qoftë se në zyrën tuaj vjen ndonjë shqiptar, të lutem ndihmoje, sa të mundesh se ne shqiptarët, të gjithë kështu jemi me zëmër të bardhë, të pastër”, thotë në postimin e tij Fisniku, emigranti shqiptar nga Dibra e Madhe, që jetonte në Staten Island – Nju Jork.
