Ishte dhjetori i 2012-ës kur Flora Brovina kishte publikuar për herë të parë fotografinë e cila dje bëri bujë të madhe.
Ajo këtë e bëri në njërin nga lokalet e Prshtinës gjatë një diskutimi për viktimat e dhunës seksuale të luftës së fundit në Kosovë.
““Unë do të jua tregojë fotografinë, dmth njerëzit janë detyruar ta shohin bijën e tyre duke e dhunuar. Kjo fotografi mbetët shenjë. Kjo grua është gjallë dhe po kërkon diçka nga ne”, kishte thënë Brovina atë kohë.
E të njëjtën fotografi, Brovina e shfaqi edhe pas shtatë vitesh nga ajo kohë, por kësaj radhe në Kuvendin e Kosovës para plot gazetarëve.
Lajmi mori dhenë dhe pati fillimisht shumë reagime pro e kundër veprimit të deputetes e cila krejt jetën ia kushtoi mbledhjes së fakteve dhe çështjes kombëtare.
Por fotografia që preku emocionalisht shumë njerëz, më vonë u kontestua. Duket se ajo nuk është bërë në Kosovë dhe si i përket skenave të filmave me përmbajte për të rritur.
Brovina, ndonëse mbrëmë insistoi në origjinalitetin e fotografisë, sot gjatë ditës pas intervistës që dha në Prokurori kërkoi falje dhe tha se mund të jetë mashtruar më 2003 kur dikush ia dha këtë “dëshmi”.
