Franca regjistroi 761 vdekje më shumë nga infeksioni i coronavirusit të premten.
Kështu, sipas medieve të huaja ky numër i fundit e ka çuar totalin në 18.681, niveli i katërt më i lartë në botë.
Megjithatë, numri i njerëzve në spital ka rënë për të tretën ditë me radhë.
Dhe, në një shenjë tjetër që bllokimi i vendosur një muaj më parë po funksionon, Jerome Salomon, kreu i autoritetit të shëndetit publik, tha se numri i përgjithshëm i njerëzve në njësitë e kujdesit intensiv (ICU) në Francë ra për ditën e nëntë me radhë, në 6,027, një pikë e ulët që nga 1 prilli.
Ndërkohë numri i të vdekurve nga COVID-19 në gjithë botën ka kaluar në mbi 150 mijë.
Gjithsej 150.603 viktima janë regjistruar deri më tani në mbarë botën, ndërsa numri i rasteve ka shkuar në 2.118.713, sipas faqes së internetit “Worldometer”, e cila përpilon të dhënat në lidhje me pandeminë.
Numri më i madh i vdekjeve është regjistruar në SHBA, me 35.481 viktima, ndërsa pas saj radhiten Italia me 22.475 viktima, Spanja me 19.478, Franca me 17.920, Britania me 14.576, Belgjika me 5.163, Irani me 4.958 dhe Gjermania me 4.193 të vdekur nga COVID-19.
Ndërkaq, në Kinë, vendin e origjinës së virusit, janë konfirmuar 4.632 të vdekur, shkruan AA.
Vendet e tjera me mbi 1.000 viktima janë Holanda me 3.459, Brazili me 1.956, Turqia me 1.769, Suedia me 1.400, Zvicra me 1.325 dhe Kanadaja me 1.252 të vdekur.
Pas shfaqjes në Wuhan të Kinës në dhjetor të vitit të kaluar, pandemia COVID-19 është përhapur në gjithë botën.
Deri më tani, 563.696 të infektuar e kanë mposhtur sëmundjen, kurse aktualisht ka mbi 1,5 milion raste aktive që presin të shërohen.
