Policia greke ka gjetur trupin e pajetë të një mashkulli shqiptar në Janinë.
Mediat greke raportojnë se shqiptari ka në trup plagë të shkaktuara nga armë zjarri. Shqiptari i paidentifikuar ende u gjet i vdekur në një zonë pranë kufirit Greqi-Shqipëri.
Policia e gjeti kufomën pas sinjalizimeve nga banorët në fshatin Kiparisia. Pas këqyrjes paraprake të kufomës, ka rezultuar se viktima rreth 40 vjeç kishte plagë të shkaktuar nga arma e zjarrit, shkruan Lapsi.al.
Trupi i viktimës është dërguar në morg për ekspertizën e mëtejshme mjeko-ligjore, ndërsa policia greke ka nisur hetimet. Policia greke ka bërë të ditur se viktima ishte deklaruar i humbur disa ditë më parë nga familjarët.
