Gjykata e Apelit e ka lënë në fuqi masën e arrestit shtëpiak, ndaj të pandehurit G. K.
Në këtë mënyrë, është refuzuar si e pa bazuar ankesa e mbrojtësit të tij, kundër aktvendimit të Gjykatës Themelore në Prishtinë, të datës 07.09.2016.
Sipas këtij aktvendimi të pandehurit në fjalë i është vazhduar masa e arrestit shtëpiak, prej një muaji, për shkak të dyshimit të bazuar se ka kryer veprën penale “ përdorim i armës apo mjetit të rrezikshëm”, nga neni 375 i Kodit Penal të Republikës së Kosovës, dhe veprën penale “pengim i personit zyrtar në kryerjen e detyrës zyrtare”, nga neni 409 i te njëjtit kod.
Gjykata e Apelit vlerëson se gjykata e shkallës se parë ka vepruar drejt kur të pandehurit ia ka vazhduar masën e arrestit shtëpiak, me qellim të parandalimit të përsëritjes se veprës penale, dhe vazhdimit me sukses të procedurës penale.
