Dikush demoloi e vodhi shtëpinë e kandidatit për deputet të Vetëvendosjes, Sadri Ramabajës.
Mesditën e së hënës rreth orës 14:00 persona të panjohur hynë në shtëpinë e kandidatit për deputet nga radhët e Lëvizjes Vetëvendosje, Sadri Ramabaja derisa ai ishte duke ligjëruar në fakultet.
“Më ka telefonu gruaja dhe më ka rrëfyer se kur është kthyer në shtëpi e ka gjetur në gjendjen që nuk e kemi parë asnjëherë. Skenat kur erdha dhe i pashë më kujtun vitet e 80’ta kur UDB’ja jugosllave më kishte arrestu për herë të tretë”, tha ai.
Ramabaja po pretendon se hajdutët nuk ishin të zakonshëm e madje sipas tij ata edhe kishin një mesazh të qartë për të.
Sipas tij ata kishin një mesazh të qartë për të.
“Kandidimi për deputet e ka penguar dikë. Prapa kësaj mendoj se janë mbetjet e shërbimit serb këtu ”, tha ai.
Nga shtëpia u morën disa gjëra, përfshirë një laptop, pasaporta e gruas së tij, një aparat për matjen e tensionit dhe aparat për matjen e tensionit në gjak.