Kreu i Aleancës për Ardhmërinë e Kosovës (AAK), Ramush Haradinaj ka kujtuar rolin e shtetit gjerman që ky i fundit ka pasur ndaj kosovarëve në përgjithësi. Këto komente të tij vijnë pas sulmeve që kohët e fundit është përballur Gjermania sidomos atë të fundit në Berlin ku pati edhe të vdekur.
Gjermania është kthyer në shtëpi të dytë të shqiptarëve edhe gjatë regjimit komunist në ish Jugosllavi;
Gjermania u kthy në strehë të shqiptarëve edhe në kohën e Millosheviqit;
Gjermania, për herë të parë që pas luftës së dytë, ndërhyri ushtarakisht në një shtet tjetër, dhe atë në luftën e Kosovës”, shkruan Haradinaj, përcjell lajmi.net.
Gjermania siç thekson ai ishte ndër të parat, që njohu shtetin e Kosovës dhe u bë përkrahëse e fuqishme e pavarësisë së saj.
“Prandaj janë bukëpërmbysës dhe të pa identitet e të pa fe, kushdo shqiptar që në çfarëdo mënyre, guxojnë ta sulmojnë Gjermaninë apo cilin do vend tjetër!
Ata që sulmojnë këta popuj e këto vlera nuk mund të jenë shqiptarë”, është shprehur ai.
Haradinaj konsideron se është koha e fundit që në Kosovë të kuptohet serozisht e nga të gjithë, se sa të dëmshme janë lëvizjet e urrejtjes fundamentaliste që për ideologji kanë terrorizmin fetar.
“Sot, Bota duhet të bëhët NJË në ndaljen e kësaj murtaje”, ka thënë ai.
