Kryeministri i Kosovës, Ramush Haradinaj po vazhdon me pjesëmarrjen nëpër Kuvendet zgjedhore të AAK-së.
Haradinaj sot ka deklaruar se pajtimi me shtetin serb do të bëhet vetëm kur këta të fundit ta njohin pavarësinë e Kosovës.
“Edhe pajtimi nuk është pak, me kalu mbi dhimbjen tonë, mbi njerëzit e zhdukur, mbi dhunime dhe shumë të tjera. Ne kur të pajtohemi, ne po japim shumë, dhe të kalumen nuk po thojmë me harru. Kosova ka fuqi dhe mundemi me u pajtu, me një marrëveshje për njohje”, tha Haradinaj.
Kryeminstri tutje deklaroi se Kosova gjatë këtij viti do të anëtarësohet në Interpol.
Optimist ai u shpreh edhe për rrugën e Kosovës në OKB. Tha se anëtarësimi në këtë organizatë do të ndodhë shumë shpejt.
Ndryshe edhe gjatë tubimeve që i mbajti dje nëpër komuna të ndryshme, Haradinaj 2018-tën e cilësoi si vit të Ushtrisë, heqjes së vizave dhe periudhë për zhvillimin e Kosovës.
