Zëvendëskryeministri i Kosovës, Enver Hoxhaj ka thënë taksa prej 10% ka qenë propozim i tij origjinal dhe për këtë gjë mund të pyetet kryeministri Haradinaj.
Hoxhaj në RTV Dukagjini ka thënë se fushata e Serbisë ndaj Kosovës ishte tmerruese dhe masat ndaj këtij vendi ishin të nevojshme.
“Në ditën kur është vendosur taksa prej 10%, kam pasur një takim me kryeministrin Haradinaj dhe kemi diskutuar për këtë masë”, tha Hoxhaj.
Hoxhaj ka thënë se është i saktë edhe pohimi se ngritja e taksës prej 10% në 100% ishte ide e kryetarit të PDK-së, njëkohësisht kryeparlamentarit Kadri Veseli.
Zyrtari i PDK-së ka thënë se merren shumë seriozisht edhe kërkesat e Shteteve të Bashkuara të Amerikës, por vendosja e taksës kishte të bënte me situatën e vështirë që gjendej Kosova përballë fushatës së Serbisë.
“Veprimi ynë ka qenë i domosdoshëm për shkak të situatës ku ndodhej Kosova gjatës vitit 2018. Ne jemi partnerë i vogël por duhet të respektohemi”.
Hoxhaj ka thënë se megjithatë puna e taksës është si puna e shahut dhe tashmë ajo ka dhënë efektet e saja.
