Ish-trajneri i kombëtares së Brazil dhe ekipit të Real Madrid, Vanderlei Luksemburgo ka rezultuar pozitiv me Covid-19.
Lajmin e ka bërë të ditur vetë Luksemburgo në rrjetet sociale. Ai bëri me dije se nuk ka simptoma të sëmundjes, megjithatë është në kujdesin e vazhdueshëm të mjekëve.
Aktualisht trajneri drejton ekipin e Palmeiras në Brazil.
“Bëra testin dhe dola pozitiv me Covid-19. Tani ndodhem në karantinë në shtëpi, si i dënuar,” u shpreh në formë ironike, trajneri 68-vjeçar.
Vanderlei Luxemburgo, që së fundmi është operuar në fshikëzën e tëmthit, garantoi se nuk ka dhimbje dhe se mjekët e ekipit të Palmeiras po bëjnë gjithçka për të.
Luxemburgo fitoi me kombëtaren e Brazilit, Kupën e Amerikës në vitin 1999.
