Ekipi dialogues ka dorëzuar sot në Kuvend platformën për bisedimet me Serbinë.
E njëjta, pritet të procedohet në Kryesi e më pas në parlament ku do të hidhet në votim, shkruan lajmi.net.
Lajmi.net ka siguruar këtë platformë, në të cilën bëhet e ditur se Kosova në bisedime me Serbinë shkon me gjithësej 11 parime.
Si parim bazë është vendosur qëllimi i Kosovës nga këto negociata, e që është njohja nga shteti serb.
“Qëllimi kryesor i Republikës së Kosovës është që nga Republika e Serbisë të sigurojë njohjen dhe pranimin e qartë të sovranitetit të Kosovës si shtet i pavarur, me zotime ligjerisht të detyrueshme”, thuhet në parimin e parë të kësaj platforme.
Parim i dytë i platformës është vendosur se njohja reciproke duhet të jetë qëllim primar i Republikës së Kosovës në këtë proces.
Si pikë tjetër e platformës është vendosur edhe çështja e krimeve të luftës të kryera nga shteti serb, e ku në të njëjtën pikë përfshihet edhe përgjegjësia penale e Beogradit në lidhje me këtë temë.
Kjo është platforma e plotë:
