Avokati Arianit Koci, i cili e mbron kreun e AAK-së, Ramush Haradinaj ka treguar se kush është patologu serb, Zoran Stankoviq i cili ka thënë se është i gatshëm të dëshmojë kundër Haradinajt në Francë.
Tutje ai ka thënë se Prokuroria e Tribunalit të Hagës, gjatë marrjes në pyetje, patologun Stankoviq e ka ballafaquar edhe me një audio-incizim, në të cilin, ai si nënkolonel i Ushtrisë Jugosllave, e informon gjeneralin Mlladiq në vitin 1995, se si duhet t’i shmangët aktakuzës së Hagës, e cila po i përgatitët.
“A mundet një individ, i cili e mohon krimin më të madh pas luftës së dytë botërore, Srebernicën, të jetë dëshmitar kredibil?”, pyet Koci.
Sipas tij, propaganda e pushtetit serb, me tërë kapacitetet e saja, i është vërsulur Haradinajt, e nëpërmjet tij, edhe krejt Kosovës.
“Fatkeqësisht mentaliteti dhe propaganda millosheviqiane, është ende prezente te disa udhëheqës serbë”, ka shkruar në fund Koci.
