Ekipet të shtabit emergjent të komunës së Obiliqit, kanë filluar shpërndarjen e formularëve të aplikimit për banorët e rezultuar pozitiv në të gjitha lokalitetet e Obiliqit.
Sipas komunës, subvencionimi bëhet në bazë të listave të konfirmuara nga ana e Institutit Kombëtarë të Shëndetësisë Publike.
Kryetari Gashi, ka njoftuar të gjithë qytetarët se secili që ofron dëshmi për realizimin e testimeve pozitiv me PCR, gëzojnë të drejtë e subvencionimit nga ky vendim.
Komuna e Obiliqit, në seancën e jashtëzakonshme të Kuvendit Komunal të Obiliqit të mbajtur me datë 11/12/2020, ka aprovuar vendimin për ndarjen e mjeteve financiare për qytetarët e prekur me Covid-19, ku për çdo qytetarë të prekur nga Covid-19 do të subvenciohen me nga 100€, ndërsa qytetarët që kanë humbur betejën me këtë virus, familjarët e tyre do subvencionohen me nga 300€.
