Aktivisti i LGBT-së, Kristi Pinderi, vazhdon debatin me deputeten Mesila Doda. Në emisionin Oktapod, të Turjan Hyskës në Vizion Plus, ai ka deklaruar se deputetja e PDIU është e pacipë që ia përmendi nënën. Sipas tij, prostitute politike nuk është ofendim sepse, sipas fjalorit të Oxfordit, prostitute politike është një person që aftësinë e tij, e përdor në mënyrë të korruptuar për interes vetjak. “Mesila Doda s’e ka të gjatë në politikë, një njeri që shpërndan urrejtje dhe s’ka ide”, tha ai.
Kristi Pinderi doli hapur për legalizimin e prostitucionit në Shqipëri. Sipas tij, ky fenomen ekziston, edhe legalizimi i tij do të sillte më shumë kontrolle dhe më shumë përgjegjshmëri për individin.
Sa i përket martesave GAY dhe mos ndryshimin e ligjit për këtë kategori, Pinderi bëri fajtor edhe Partinë Socialiste e ndihet i tradhtuar nga kryeministri Edi Rama, duke qenë se nuk ka një qëndrim për LGBT.
Sipas tij çdo vend në Evrope e ka një qëndrim për komunitetin gay, ndërsa kryeministri Rama thotë “ç’na duhen këto, jemi herët”.
Akuzave se organizata e Kristi Pinderit merr shumë para nga Holanda, Krist Pinderi tha se këto janë gënjeshtra dhe se nuk merr fonde apo projekte nga jashtë.
