Komisariati i Policisë Krujë, në vijim të punës së tyre për kapjen e personave të shpallur në kërkim, kanë bërë të mundur ndalimin e shtetasit Betim Xhixha 22 vjeç, banues në Krujë. Ndalimi i tij u bë pasi Gjykata e Krujës, ka dhënë masën e sigurisë “Arrest me burg” për veprat penale “Vjedhja me armë e kryer në bashkëpunim” dhe “Prodhimi dhe mbajtja pa leje e armëve luftarake dhe e municionit ”.
Gjithashtu, gjatë kontrollit të ushtruar në banesën e tij,në momentin e ndalimit u gjetën dhe u sekuestruan në cilësinë e provës materiale lëndë narkotike e dyshuar e llojit kanabis sativa. Materialet i kaluan Prokurorisë Krujë për veprime të mëtejshme për veprën penale “Prodhimi dhe shitja e narkotikëve”.