Tri ditë para dhjetëvjetorit të pavarësisë së Kosovës, ish-raportuesja për Kosovën në Parlamentin Evropian Ulrike Lunaçek, do ta promovojë një libër për rrugën evropiane të Kosovës dhe kontributin e saj për shtetin e ri në këtë rrugë.
Lajmin e ka bërë të ditur vetë Lunaçek përmes një postimi në Facebook.
‘Më 14 shkurt 2018, prezantoj librin tim të botuar nga Wieser Verlag me rastin e 10 vjetorit të pavarësisë së Kosovës’, ka shkruar Lunaçek.
Ajo ka treguar se në promovim të librit dhe në diskutime do të marrin pjesë Wolfgang Petritsch, ish – emisar i BE-së për Kosovën dhe Verdran Dzihic, ekspert për Ballkanin.
Politikania austriake tetë vjet ishte raportuese për Kosovën në Parlamentin Evropian.
