Vendet e lëna bosh nga deputetët e opozitës në Parlament, sipas delegacionit të PE-së që qëndroi për dy ditë në Tiranë do të mbushen me deputetë të rinj dhe ky Kuvend legjitim do të vazhdojë jetën e tij deri në 2021.
Për të kryer procedurat për zëvendësimin e “të ikurve” ka hyrë në rol edhe KQZ-ja e cila ka nisur punën duke u dërguar 57 “rezervistëve” njoftimin se ata mund të bëhen deputetë dhe duhet të dorëzojnë formularin e vetëdeklarimit.
Ndër të thirrurit e këtij institucioni është edhe Ina Haxhiaj nga radhët e Partisë Demokratike. Asaj i bie për pjesë që të zëvendësojë në Parlament, liderin historik të PD-së, Sali Berisha dhe kështu pesha bëhet më e rëndë.
Vetë Haxhiaj ka reaguar për këtë çështje, duke shkruar në “Facebook” shumë shkurt se nuk e zëvendëson dot Sali Berishën, duke hedhur poshtë thirrjen nga KQZ për të marrë mandatin e deputetes.
“Më vjen keq, por nuk e zëvendësoj dot”, shkruan demokratja Ina Haxhiaj.
