Autopsia e trupit të të ndjerit Astrit Dehari që ka ndërruar jetë në Qendrën e Paraburgimit në Prizren pritet të fillojë në orën 14:00.
Të pranishëm janë ekspertët e pavarur që janë zgjedhur nga familja e të ndjerit, përfaqësuesit e EULEX-it, përfaqësuesit e familjes dhe miq e bashkëpunëtorë të Lëvizjes Vetëvendosje.
Ministrja e Drejtësisë, Dhurata Hoxhaj në mbledhjen e sotme të Qeverisë së Kosovës ka thënë se për zbardhjen e këtij rasti që është cilësuar si vdekje e dyshimtë janë aktivizuar të gjithë mekanizmat.
