Zyrtari i LDK-së, Muhamet Hamiti ka komentuar exit pollin e RTV Dukagjinit.
Ai ka thënë se është pritur një fitore e Vetëvendosjes por sipas tij jo në këtë përqindje.
“Nëse dalin këto rezultate, do të jetë rast për LDK-në e PDK-në ta korrigjojnë veten”, tha ai.
Hamiti thotë se nuk ka parë ndonjë gabim nga Qeveria Hoti por sipas tij pritjet e elektoratit mund të kenë qenë më të mëdha.
Hamiti thotë se vet fakti që LDK nuk ka mundur të merr votat e fundit mund të konsiderohet ndëshkim.
“Rotacioni i pushtetit është normal, por i druhem pushtetit absolut”, tha ndër të tjera Muhamet Hamiti.
