Kryeministri i Kosovës, Isa Mustafa, priti në takim lamtumirës ambasadoren e Francës, Maryse Daviet.
Duke folur për të arriturat në Kosovë, Mustafa e falënderoi ambasadoren Daviet për përkrahjen e Francës dhe mbështetjen e saj personale për progresin e deritashëm.
Mustafa, po ashtu, shprehu përkushtimin e Kosovës për thellimin e mëtejmë të bashkëpunimit me Francën, si partner i madh evropian i Republikës së Kosovës.
Ambasadorja e deritashme e Francës në Kosovë, Maryse Daviet, e falënderoi kryeministrin për bashkëpunimin e ofruar, duke theksuar përkrahjen e mëtejme për Kosovën.
