Kryeministri në largim, Isa Mustafa e ka dënuar sulmin e mbrëmshëm fizik ndaj Arbana Xharrës, anëtares më të re të Partisë Demokratike të Kosovës.
“Sulmi mbi Arbana Xharrën është akt i ulët dhe i turpshëm. Kryerësit duhet të sillen para drejtësisë”, ka shkruar Mustafa në profilin e tij në Facebook.
Xharra është rrahur mbrëmë brutalisht nga persona të panjohur, pas kthimit nga një intervistë që pati në njërin nga televizionet në Shqipëri.
