Kryetari i Lidhjes Demokratike të Kosovës, Isa Mustafa, ka përshëndetur zgjedhjen e Vjosa Osmanit në krye të Kuvendit.
Ai ka thënë se zgjedhja e Vjosa Osmanit në krye të Kuvendit të Kosovës, ka nxjerr në pah ngrohtësinë dhe disponimin e deputetëve të koalicionit qeverisës për të përmbushur me besim dhe përkushtim marrëveshjen e koalicionit.
“Kuvendi i Republikës së Kosovës zgjodhi Kryetare, znj. Vjosa Osmani, deputete e LDK-së, e cila ishte kandidatja e jonë për kryeministre.
Zgjedhja e Vjosës nxori në pah ngrohtësinë dhe disponimin e deputetëve të koalicionit qeverisës për të përmbushur me besim dhe përkushtim marrëveshjen e koalicionit. Urime!”, ka shkruar Mustafa.
Osmani është propozuar për kryetare të Kuvendit nga Lëvizja Vetëvendosje, pasi kryetari i deritashëm Glauk Konjufca, sot ka dhënë dorëheqje nga ky psot, pasi është zgjedhur ministër i Punëve të Jashtme në Qeverinë Kurti.
Pro Osmanit kanë votuar 65 deputetë.
