Mbi gjysmë milioni njerëz në SHBA janë të infektuar nga koronavirusi, sipas Worldometers. Në 24 orët e fundit janë raportuar mbi 2028 të vdekur në të gjitha shtetet, ndërkohë janë 33 752 raste të reja me COVID-19.
Në total, numri i personave të prekur është 502.876. Të shëruar janë 27,314 persona dhe viktima nga koronavirusi 18,747. New Yorku mbetet shteti më i prekur me 172,358 raste. Ndërkohë Presidenti amerikan Donald Trump tha të premten se vendi po afron pikun e infeksioneve me koronavirus dhe se numri i rasteve po sheshohet.
Ai tha gjithashtu se numri i viktimave në SHBA do të jetë më i ulët se 100 mijë, parashikimi i mëparshëm i Shtëpisë së Bardhë.
