Nesër nis ndërtimi i pikëkalimit të përhershëm kufitar mes Kosovës dhe Serbisë në Merdarë

15.02.2017 15:22:12

Ministrja për Dialog, Edita Tahiri dhe Shefja e Zyrës së BE-së në Kosovë, Nataliya Apostolova, nesër nga ora 11:00 do të bëjnë vënien e gurthemelit të ndërtimit të pikëkalimit të përhershëm kufitar në mes të Republikës së Kosovës dhe Serbisë në Merdarë.

Të pranishëm do të jenë krerët shtetërorë, ministrat e linjës dhe përfaqësues tjerë të institucioneve vendore dhe ndërkombëtare.

Ky është i pari nga gjashtë pikëkalimet kufitare të përhershme të IBM-së që do të ndërtohen në kuadër të projektit të gjerë të Menaxhimit të Integruar të Kufirit (IBM) në mes të Kosovës dhe Serbisë, i paraparë më marrëveshjen për IBM të arritur në kuadër të dialogut të Brukselit.