Është arrestuar i dyshuari mashkull në fshatin Drogolevc të Istogut, pasi që i njëjti derisa ishte duke drejtuar automjetin (kombi-bus) nga pakujdesia dhe tejkalimi i pasigurt është ndeshur me veturën e tipit Opel-Vectra, të cilën e drejtonte viktima mashkull.
Si pasojë e aksidentit njofton policia, viktima femër, pasagjere në veturën e viktimës ka ndërruar jetë dhe sipas mjekut kujdestar e njëjta është dërguar pa shenja jete në spitalin e Pejës.
Po ashtu lëndime kanë pësuar edhe viktima-drejtues i veturës dhe dy pasagjerë në veturën e njëjtë, të cilëve u është ofruar tretman mjekësor, raporton KP.
Trupi i pa jetë i viktimës me vendim të prokurorit u është liruar familjarëve për ceremoninë e varrimit, ndërsa i dyshuari është dërguar në mbajtje.
